ஏசாயா 53இற்கும் இயேசுவுக்கும் நோ சம்பந்தம் 1

 ஏசாயா 53இற்கும் இயேசுவுக்கும் நோ சம்பந்தம் 

இது இயேசுவை ஏன் குறிக்காது??

1.அந்த நபரை இறைவன் நொருக்கும்போது (சோதனைக்காலத்தில்), அவர் தன் ஆத்மாவை குற்றநிவாரணபலியாக கொடுப்பாராம். அதனால் அவருக்கு நீடித்த வாழ்வு கொடுக்கப்பட்டு தன் சந்ததிகளை காண்பார்

“"கர்த்தரோ அவரை நொறுக்கச்சித்தமாகி, அவரைப் பாடுகளுக்குட்படுத்தினார்; அவருடைய ஆத்துமா தன்னைக் குற்றநிவாரணபலியாக ஒப்புக்கொடுக்கும்போது, அவர் தமது சந்ததியைக் கண்டு, நீடித்த நாளாயிருப்பார், கர்த்தருக்குச் சித்தமானது அவர் கையினால் வாய்க்கும்."”

  — Isaiah 53:10 (TBSI)

அவரது ஆத்மாவை அவர் குற்றநிவாரணபலியாக கொடுப்பதால் அவர் சாகாமல் நீண்ட ஆயுள் கொடுக்கப்பட்டு , தன் சந்ததிகளை காண்பார்.

இதில் கவனிக்க வேண்டியது:

அ. அவர் தன் ஆத்மாவை குற்றநிவாரணபலியாக கொடுப்பதால், அவருக்கு நீண்ட ஆயுள் கிடைக்கிறது. அதன்படி குற்றநிவாரண பலியாக ஆத்மாவை வழங்குவதால் அவர் சாவதில்லை என புரிகிறது. ஆனால் இயேசுவோ மரணித்தார் என இவர்கள் வாதிடுகின்றனர். ஆகவே இது அவருக்கு பொருந்தாது.  

ஆ. அவர் தன் ஆத்மாவை மற்றவர்களுக்காக குற்றநிவாரணபலியாக கொடுப்பார் என சொல்லவில்லை! இறைவன் பால் அவர் மீள்வதை தான் இது குறிக்கும்.

“"தேவனுக்கேற்கும் பலிகள் நொறுங்குண்ட ஆவிதான்; தேவனே, நொறுங்குண்டதும் நருங்குண்டதுமான இருதயத்தை நீர் புறக்கணியீர்."”

  — Psalms சங்கீதம் 51:17 (TBSI)

அதை கொடுப்பதால் நீண்ட ஆயுள் பெறுகிறார் எனின், இது மரணத்தை குறிக்கவில்லை! மாறாக இறைவன் பால் மனதுருகி மீள்வதையே குறிக்கும்.

இ.அந்த நபர் தன் ஆத்மாவை அவ்வாறு கொடுத்ததால், அவர் தன் சந்ததிகளையும் காண்பார் என கூறப்படுகிறது.

இதிலுள்ள Zera என்ற எபிரேய வார்த்தை நேரடி வித்துக்களையே குறிக்கும். ஊரான் பிள்ளையை அல்ல!

இதன்படி அவ்வாறு செய்த நபருக்கு அநேக பிள்ளைகள் பிறப்பார்கள். அதை அவர் கண்டு நீண்ட ஆயுள் கொடுக்கப்படுவார் என கூறப்படுகிறது.

ஆனால் இவர்களது மெசியாவோ இவர்களின் நம்பிக்கை பிரகாரம் Zera இல்லாதவர்.

ஈ. இந்த நபரது நீண்ட ஆயுள் என்பது மரணமற்ற ஆயுளல்ல.. பாதி வயதில் சாகாமல் வாழ்வார் என்பதையே குறிக்கும். (யஃரிஷ் யமீம் என்பது இருக்குற ஆயுள் நீடிக்கப்படுவதை குறிக்கும்) (உ+ம் உபாககமம் 25:15). ஆனால் இவர்களது மெசியாவோ பாதி வயதிலேயே போய்விட்டார்.

(மரணித்த பின் உயிரோடு உள்ளார் என கதைவிடுவது அபத்தமானது. ஏனெனில் ஆப்ரகாம் ஈசாக் யாக்கோப்,மோசே ,எலியா என அனைவரும் உயிரோடு உள்ளதாக தான் பைபிள் சொல்லுது.)

சோ குற்றநிவாரணபலியாக தன் ஆத்மாவை கொடுக்கும் நபருக்கும் கிறிஸ்தவ சிலுவைப்பலிக்கும் சம்பந்தமே இல்லை!