இயேசு பற்றிய தீர்க்கதரிசனங்கள்-திரிபுகள் (சுவிசேசங்கள்) பகுதி 2

 இயேசுவை பற்றி பழைய ஏற்பாடு முன்னறிவிப்பதாக சுவிசேசங்கள் போலியாக கூறுவது பற்றிய பதிவின் இரண்டாம் பாகம்

முதல் பாகத்தின் தொடர்ச்சி

9.தம்மை பிரசித்தம் பண்ண வேண்டாம் என கூறல்

¹⁵ "இயேசு அதை அறிந்து, அவ்விடம்விட்டு விலகிப்போனார். திரளான ஜனங்கள் அவருக்குப் பின்சென்றார்கள்; அவர்களெல்லாரையும் அவர் சொஸ்தமாக்கி,"

¹⁶ தம்மைப் பிரசித்தம்பண்ணாதபடி அவர்களுக்குக் கண்டிப்பாய்க் கட்டளையிட்டார்.

¹⁷ ஏசாயா தீர்க்கதரிசியால் உரைக்கப்பட்டது நிறைவேறும்படி இப்படி நடந்தது. அவன் உரைத்ததாவது:

¹⁸ "இதோ, நான் தெரிந்துகொண்ட என்னுடைய தாசன், என் ஆத்துமாவுக்குப் பிரியமாயிருக்கிற என்னுடைய நேசன்; என் ஆவியை அவர்மேல் அமரப்பண்ணுவேன், அவர் புறஜாதியாருக்கு நியாயத்தை அறிவிப்பார்."

¹⁹ "வாக்குவாதம் செய்யவுமாட்டார், கூக்குரலிடவுமாட்டார்; அவருடைய சத்தத்தை ஒருவனும் வீதிகளில் கேட்பதுமில்லை."

²⁰ "அவர் நியாயத்திற்கு ஜெயங்கிடைக்கப்பண்ணுகிறவரைக்கும், நெரிந்த நாணலை முறிக்காமலும், மங்கியெரிகிற திரியை அணைக்காமலும் இருப்பார்."

²¹ அவருடைய நாமத்தின்மேல் புறஜாதியார் நம்பிக்கையாயிருப்பார்கள் என்பதே. (மத்தேயு 12:15-21)

யேசு நோயாளிகளை சுகப்படுத்திவிட்டு, அதை வெளியில் சொல்ல வேணாம்னு சொன்னதால் அது நிறைவேறிவிட்டதாம்.

அதுவும் யேசுவுக்கு பொருந்தாத ஒன்று.

12:18 இல் அவர் புறஜாதிகளுக்கு நியாயத்தை அறிவிப்பார். ஆனால் யேசு இவர்களது நம்பிக்கைப் பிரகாரம் இறக்கும் வரை இஸ்ரவேலருக்கு அறிவிக்குமாறு தான் சீடர்களை ஏவினார் (மத்தேயு 10:5 15:22-26)

12:19 அவர் பாதையில் சத்தம் போட மாட்டாராம். வாக்கு வாதம் பண்ண மாட்டாராம்.

ஆனால் யேசு பாதையில் கத்தி சத்தம் போட்டு போதனை செய்தார். 

“"பண்டிகையின் கடைசிநாளாகிய பிரதான நாளிலே இயேசு நின்று, சத்தமிட்டு: ஒருவன் தாகமாயிருந்தால் என்னிடத்தில் வந்து, பானம்பண்ணக்கடவன்."”

  — யோவான் 7:37 

இதே ஏசாயா 42:1-4 இல், அவர்

4 அவர் நியாயத்தைப் பூமியிலே நிலைப்படுத்துமட்டும் இளக்கரிப்பதுமில்லை (சோர்வடையமாட்டார்), பதறுவதுமில்லை; அவருடைய வேதத்துக்குத் தீவுகள் காத்திருக்கும்.(ஏசாயா 42:4)

அவர் கடைசிவரை சோர்வடையமாட்டாராம். தளர மாட்டாராம்.

ஆனால் யேசு தளர்ந்து போனார். ஏன் என்னை கைவிட்டீர் என்று தேவனிடம் கேட்டார்.

(மாற்கு 15:34 மத்தேயு 27:46)

எனவே இதுவும் யேசுவுக்கு பொருந்தாது

ஆகவே இதுவும் ஒரு திரிபே ஆகும்.

----------

10.உவமைகளால் பேசுதல்

³⁴ "இவைகளையெல்லாம் இயேசு ஜனங்களோடே உவமைகளாகப் பேசினார்; உவமைகளினாலேயன்றி, அவர்களோடே பேசவில்லை."

³⁵ என் வாயை உவமைகளினால் திறப்பேன்; உலகத்தோற்றமுதல் மறைபொருளானவைகளை வெளிப்படுத்துவேன் என்று தீர்க்கதரிசியால் உரைக்கப்பட்டது நிறைவேறும்படி இப்படி நடந்தது. (மத்தேயு 13:34-35)

இயேசு உவமைகளை கூறியதால் , இந்த தீர்க்கதரிசனம் நிறைவேறிவிட்டதாம்.

ஆனால் உண்மையில் அது தீர்க்கதரிசனமே அல்ல!

தன் முன்னோரிடமிருந்து கேட்டவற்றை அறிவிப்பதாகவே சங்கீத புத்தகம் சொல்கிறது:

¹ "என் ஜனங்களே, என் உபதேசத்தைக் கேளுங்கள்; என் வாயின் வசனங்களுக்கு உங்கள் செவிகளைச் சாயுங்கள்."

² என் வாயை உவமைகளால் திறப்பேன்; பூர்வகாலத்து மறைபொருள்களை வெளிப்படுத்துவேன்.

³ அவைகளை நாங்கள் கேள்விப்பட்டு அறிந்தோம்; எங்கள் பிதாக்கள் அவைகளை எங்களுக்குத் தெரிவித்தார்கள்.

⁴ "பின்வரும் சந்ததியான பிள்ளைகளுக்கு நாங்கள் அவைகளை மறைக்காமல், கர்த்தரின் துதிகளையும் அவருடைய பலத்தையும், அவர் செய்த அவருடைய அதியங்களையும் விவரிப்போம்."

பழைய காலத்து கதைகளை முன்னோர் சொல்ல கேட்டதை அப்படியே அறிவிப்பதாக சொல்வதை அப்படியே இயேசு உவமைகளால் வாயை திறப்பதாக அடித்து விடுகிறார்.

-------------

11.கழுதைக் குட்டியில் ஏறிப்போதல்

²"உங்களுக்கு எதிரே இருக்கிற கிராமத்துக்குப் போங்கள்; போனவுடனே, அங்கே ஒரு கழுதையையும் அதனோடே ஒரு குட்டியையும் கட்டியிருக்கக் காண்பீர்கள்; அவைகளை அவிழ்த்து என்னிடத்தில் கொண்டுவாருங்கள்."”

  ³ "ஒருவன் உங்களுக்கு ஏதாகிலும் சொன்னால்: இவைகள் ஆண்டவருக்கு வேண்டுமென்று சொல்லுங்கள்; உடனே அவைகளை அனுப்பிவிடுவான் என்று சொல்லி, அவர்களை அனுப்பினார்."

⁴ "இதோ, உன் ராஜா சாந்தகுணமுள்ளவராய், கழுதையின்மேலும் கழுதைக்குட்டியாகிய மறியின்மேலும் ஏறிக்கொண்டு, உன்னிடத்தில் வருகிறார் என்று சீயோன் குமாரத்திக்குச் சொல்லுங்கள் என்று,"

⁵ தீர்க்கதரிசியினால் உரைக்கப்பட்டது நிறைவேறும்படி இதெல்லாம் நடந்தது. (மத்தேயு 21:2-5)

மெசியா கழுதை மீதும் கழுதைக்குட்டி மீதும் ஏறீ சீயோனுக்கு வருவார் என உள்ளதை அப்படியே இயேசுவுக்கு பொருத்துவதற்காக மத்தேயு கழுதையையும் அதன் குட்டியையும் அவிழ்த்து வருமாறு அனுப்பியதாகவும், சீடர்கள் வர இயேசு கழுதைமேலும் அதன் குட்டி மேலும் ஏறி வந்தது போன்று எழுதுகிறார்.

ஆனால் மாற்கு மற்றும் லூக்கா , யோவான் ஆகிய மூவரும் ஒரு கழுதையை அவிழ்த்து வர சொன்னதாகவும் , ஒரு கழுதையிலேயே ஏறி சென்றதாகவும் கூறுகிறார்கள்.

² "உங்களுக்கு எதிரேயிருக்கிற கிராமத்துக்குப் போங்கள்; அதில் பிரவேசித்தவுடனே, மனுஷர் ஒருவரும் ஒருக்காலும் ஏறியிராத ஒரு கழுதைக்குட்டி கட்டியிருக்கக் காண்பீர்கள், அதை அவிழ்த்துக் கொண்டு வாருங்கள்."

⁴ "அவர்கள் போய், வெளியே இருவழிச்சந்தியில் ஒரு வாசலருகே கட்டியிருந்த அந்தக் குட்டியைக் கண்டு, அதை அவிழ்த்தார்கள்."

⁷ "அவர்கள் அந்தக் குட்டியை இயேசுவினிடத்தில் கொண்டுவந்து, அதின்மேல் தங்கள் வஸ்திரங்களைப் போட்டார்கள்; அவர் அதின்மேல் ஏறிப்போனார்." (மாற்கு 11:2,4,7)

³⁰ "உங்களுக்கு எதிரே இருக்கிற கிராமத்துக்குப் போங்கள், அதிலே பிரவேசிக்கும்போது மனுஷரிலொருவனும் ஒருக்காலும் ஏறியிராத கழுதைக்குட்டியைக் கட்டியிருக்கக் காண்பீர்கள்; அதை அவிழ்த்துக்கொண்டு வாருங்கள்."

³¹ "அதை ஏன் அவிழ்க்கிறீர்களென்று யாராவது உங்களிடத்தில் கேட்டால், அது ஆண்டவருக்கு வேண்டுமென்று சொல்லுங்கள் என்றார்." (லூக்கா 19:30-31)

¹⁴ "அல்லாமலும்: சீயோன் குமாரத்தியே, பயப்படாதே, உன் ராஜா கழுதைக்குட்டியின்மேல் ஏறிவருகிறார் என்று எழுதியிருக்கிறபிரகாரமாக,"

¹⁵ இயேசு ஒரு கழுதைக்குட்டியைக் கண்டு அதின்மேல் ஏறிப்போனார்.(யோவான் 12:14-15)

இதிலிருந்து பழைய ஏற்பாட்டின் தீர்க்கதரிசனங்களிற்கேற்ப மத்தேயு போலியாக கதைகளை உண்டாக்கி எழுதுபவர் என்று புரிகிறது.

 ஒரு நபர் எப்படி இரு கழுதைகளில் பயணம் செய்ய இயலும் என்று கூட யோசிக்காமல் சகரியா 9:9 இல் இருப்பதற்கு ஒத்துப்போக இவ்வாறு எழுதியுள்ளார்.

ஆனாலும் இதுகூட இயேசுவுக்கு பொருந்தாது.

ஏனெனின், சீயோனுக்கு வரும் அந்த நபர் ஒரு ராஜா ஆவார்.

⁹ "சீயோன் குமாரத்தியே, மிகவும் களிகூரு; எருசலேம் குமாரத்தியே, கெம்பீரி; இதோ, உன் ராஜா உன்னிடத்தில் வருகிறார்; அவர் நீதியுள்ளவரும் இரட்சிக்கிறவரும் தாழ்மையுள்ளவரும், கழுதையின்மேலும் கழுதைக்குட்டியாகிய மறியின்மேலும் ஏறி வருகிறவருமாயிருக்கிறார்."

¹⁰ "எப்பிராயீமினின்று இரதங்களையும் எருசலேமினின்று குதிரைகளையும் அற்றுப்போகப்பண்ணுவேன், யுத்தவில்லும் இல்லாமற்போகும்; அவர் ஜாதிகளுக்குச் சமாதானம் கூறுவார்; அவருடைய ஆளுகை ஒரு சமுத்திரந்தொடங்கி மறுசமுத்திரம்வரைக்கும், நதிதொடங்கி பூமியின் எல்லைகள்பரியந்தமும் செல்லும்." (சகரியா 9:9-10)

அந்த ராஜா பெரும் நிலப்பரப்பை ஆளுபவர் என்று சகரியா 9:10

 தெளிவாக கூறுகிறது.

கழுதை மேல் ஏறி போகிறதால் மட்டும் அந்த தீர்க்கதரிசனத்திற்கு பொருத்தமானவராக ஆகிவிடுவதில்லை!.. 

இரண்டாம் வருகையில் அது நிகழும் என கதை விட கூடாது. 

இறந்து போன போலி மெசியாக்கள் அனைவருக்கும் இவ்வாதத்தை பிரயோகிக்கலாம்.  

 அதாவது இரண்டாம் வருகையில் நிறைவேற்றுவார் என்று..

---------------------

12.ஆடைகளுக்கு சீட்டு போடுதல்

"அவரைச் சிலுவையில் அறைந்தபின்பு, அவர்கள் சீட்டுப்போட்டு அவருடைய வஸ்திரங்களைப் பங்கிட்டுக் கொண்டார்கள். என் வஸ்திரங்களைத் தங்களுக்குள்ளே பங்கிட்டு, என் உடையின்பேரில் சீட்டுப்போட்டார்கள் என்று தீர்க்கதரிசியால் உரைக்கப்பட்டது நிறைவேறும்படி இப்படி நடந்தது."”

  — மத்தேயு 27:35 

அப்பொழுது அவரைச் சிலுவையில் அறைந்தார்கள். அதன்பின்பு அவருடைய வஸ்திரங்களைப் பங்கிட்டு, ஒவ்வொருவன் ஒவ்வொரு பங்கை எடுத்துக்கொள்ளும்படி அவைகளைக்குறித்துச் சீட்டுப்போட்டார்கள்."”

  — மாற்கு 15:24 

“"அப்பொழுது இயேசு: பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார். அவருடைய வஸ்திரங்களை அவர்கள் பங்கிட்டுச் சீட்டுப்போட்டார்கள்."”

  — லூக்கா 23:34 

அவர்கள்: இதை நாம் கிழியாமல், யாருக்கு வருமோ என்று இதைக்குறித்துச் சீட்டுப்போடுவோம் என்று ஒருவரோடொருவர் பேசிக்கொண்டார்கள். என் வஸ்திரங்களைத் தங்களுக்குள்ளே பங்கிட்டு, என் உடையின்மேல் சீட்டுப்போட்டார்கள் என்கிற வேதவாக்கியம் நிறைவேறத்தக்கதாகப் போர்ச்சேவகர் இப்படிச் செய்தார்கள்."”

  — யோவான் 19:24

இயேசுவை சிலுவையில் அறைந்த பின்பு அவரது ஆடைகளை பெறுவதற்காக சீட்டுப்போட்டார்களாம்.

இயேசுவுக்கு அவரது ஆடைகளை மீண்டும் அணிவித்த பிறகு தான் அவரை வாரினால் அடித்தார்கள். அதாவது கிழிஞ்ச துணிக்காக சீட்டுக்குழுக்கி போட்டுப்பாங்களா?

சங்கீதம் 22:18 இல் தாவீது ராஜா தனக்கு ஏற்பட்ட துன்பத்தை குறித்து சொல்லும்போது, அவரது ஆடைகளை தங்களுக்குள்ளே பங்கிட்டு , என் உடையின் மேல் சீட்டு போடுகிறார்கள் என்கிறார்.

அங்கு தாவீதுக்கு ஏற்பட்ட இழிநிலையை தீர்க்கதரிசனம் போல் சித்தரித்து, அதற்கு பொருத்திப் போகும் விதமாக, வாரினால் அடிபட்ட பின்னாளுள்ள ஆடைக்கு சீட்டுப்போட்டதாக நான்கு சுவிசேஷங்களும் கதைவிடுகின்றன.

தாவீது ஒன்றும் ,"அவருடைய வஸ்திரங்களை தங்களிடையே பங்கிட்டு, அவருடைய உடையின் பேரில் சீட்டும் போடுவார்கள்" என்று சொல்லவில்லை!

மாறாக தன்னுடைய ஆடையை குறித்தே சொல்கிறார்.

 இவர்கள் தான் தாவீது எழுதும்போது பார்த்துக்கொண்டு இருந்தது போல் தீர்க்கதரிசனம் என புழுகுகிறார்கள்!

-----------

13.முப்பது வெள்ளிக்காசுக்கு குயவனுடைய நிலத்தை வாங்குதல்.

⁹ "இஸ்ரவேல் புத்திரரால் மதிக்கப்பட்டவருக்குக் கிரயமாகிய முப்பது வெள்ளிக்காசை அவர்கள் எடுத்து,"

¹⁰ கர்த்தர் எனக்குக் கற்பித்தபடி குயவனுடைய நிலத்திற்காக அதைக் கொடுத்தார்கள் என்று எரேமியா தீர்க்கதரிசியால் உரைக்கப்பட்டது அப்பொழுது நிறைவேறிற்று. (மத்தேயு 27:9-10)

இப்படி ஒன்று எரேமியாவில் இல்லை! 

மாறாக சகரியாவிலேயே உள்ளது. அதில் கூட இவர்கள் கூறுவது போல தீர்க்கதரிசனம் அல்ல!

¹² "உங்கள் பார்வைக்கு நன்றாய்க் கண்டால், என் கூலியைத் தாருங்கள்; இல்லாவிட்டால் இருக்கட்டும் என்று அவர்களோடே சொன்னேன்; அப்பொழுது எனக்குக் கூலியாக முப்பது வெள்ளிக்காசை நிறுத்தார்கள்."

¹³ "கர்த்தர் என்னை நோக்கி: அதைக் குயவனிடத்தில் எறிந்துவிடு என்றார்; இதுவே நான் அவர்களால் மதிக்கப்பட்ட மேன்மையான மதிப்பு; நான் அந்த முப்பது வெள்ளிக்காசை எடுத்து, அவைகளைக் குயவனுக்கென்று கர்த்தருடைய ஆலயத்திலே எறிந்துவிட்டேன்." (சகரியா 11:11-12)

சகரியாவுக்கு முப்பது காசு கொடுக்கப்பட்டது.

 அதை குயவனிடம் வீசிவிட சொன்னதும், அதை குயவனுக்காக கர்த்தருடைய ஆலயத்தில் எறிந்துவிட்டார்..

சகரியா செய்து முடித்தது எப்படி தீர்க்கதரிசனமாகும்??

 சகரியா செய்ததை யூதாஸ் செய்ததுபோல பில்டப் விடப்படுகிறது.

ஏதோ கர்த்தர் யூதாஸிடம் கூலி கேட்கும்படியும், அந்த கூலியை நிலத்தை வாங்குவதற்காக ஆலயத்தில் எறிந்துவிட சொன்னதுபோன்றும் இட்டுக்கட்டியுள்ளார் மத்தேயு.

வேடிக்கையாக யூதாஸ் அந்த நிலத்தை வாங்கி வில்லை.. 

அக்காசு தனக்கு தேவையில்லை என வீசிவிட்டான். அதை எடுத்து யூத ஆசாரியர் தான் குயவனிடம் அந்நியரை அடக்கம் செய்வதற்காக நிலத்தை வாங்கினார்கள்.(மத்தேயு 27:7)

ஆகவே இதுவும் தீர்க்கதரிசனம் அல்ல!!!

-----------

 

.

14.அவர் பல அற்புதங்களை செய்தும் நம்பவில்லை 

³⁷ "அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை."

³⁸ "கர்த்தாவே, எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது என்று ஏசாயா தீர்க்கதரிசி சொன்ன வசனம் நிறைவேறும்படி இப்படி நடந்தது." (யோவான் 12:37-38)

இதுகூட தீர்க்கதரிசனம் அல்ல.. அதுவும் ஏசாயாவின் கூற்றும் அல்ல!

 நோய்வாய்ப்பட்ட ஒரு நபரைக் குறித்து அவரது ஜனங்கள் கூறும் வார்த்தையாகும். 

 ஏசாயா 53 இல் இது இடம்பெறுகின்றது. 

"எங்கள் மூலமாய் கேள்விப்பட்டதை விசுவாசித்தவன் யார்?" (ஏசாயா 53:1)

இதில் "நாம்/அவர் செய்த அற்புதங்களை கண்டு விசுவாசித்தவன் யார்?" என்று கூறப்படவில்லை!

"விசுவாசித்தவன் யார்" என இருப்பதால், உடனே இயேசுவை விசுவாசிக்கவில்லை என்பதோடு லின்க் பண்ணுகிறார்கள்.!

ஆனால் இயேசுவை அநேகர் விசுவாசித்தார்கள் என அதே அதிகாரத்தில் முரண்பட்டு சொல்கிறார்

“"ஆகிலும் அதிகாரிகளிலும் அநேகர் அவரிடத்தில் விசுவாசம்வைத்தார்கள். அப்படியிருந்தும் ஜெப ஆலயத்துக்குப் புறம்பாக்கப்படாதபடி, பரிசேயர்நிமித்தம் அதை அறிக்கைபண்ணாதிருந்தார்கள்."”

  — யோவான் 12:42 

இப்படி தான் எல்லா தீர்க்கதரிசனமும் உள்ளது. மதத்தைப் பரப்ப இப்படி திரிபு வேலை செய்ய வேண்டுமா?

------------

15.இயேசுவை விசுவாசிக்காததால் ஏசாயாவின் தீர்க்கதரிசனம் நிறைவேறியதாக யோவான் கூறுகிறார்.

³⁹ ஆகையால் அவர்கள் விசுவாசிக்கமாட்டாமல்போனார்கள். ஏனெனில் ஏசாயா பின்னும்:

⁴⁰ "அவர்கள் கண்களினால் காணாமலும், இருதயத்தினால் உணராமலும், குணப்படாமலும் இருக்கும்படிக்கும், நான் அவர்களை ஆரோக்கியமாக்காமல் இருக்கும்படிக்கும், அவர்களுடைய கண்களை அவர் குருடாக்கி, அவர்கள் இருதயத்தைக் கடினமாக்கினார் என்றான்."

⁴¹ "ஏசாயா அவருடைய மகிமையைக் கண்டு, அவரைக்குறித்துப் பேசுகிறபோது இவைகளைச் சொன்னான்."“(யோவான் 12:39-41)

வசனத்தை நான் கீழே பதிகிறேன்.

அதற்கு முன் , இதே வசனத்தை மத்தேயு தீர்க்கதரிசனம் என கூறும்போது, இயேசு உவமையாக பேசியது அவர்களுக்கு புரியவில்லை என்பதால் இது நிறைவேறியது என்கிறார்.

¹³ "அவர்கள் கண்டும் காணாதவர்களாயும், கேட்டும் கேளாதவர்களாயும், உணர்ந்துகொள்ளாதவர்களாயும் இருக்கிறபடியினால், நான் உவமைகளாக அவர்களோடே பேசுகிறேன்."

¹⁴ ஏசாயாவின் தீர்க்கதரிசனம் அவர்களிடத்தில் நிறைவேறுகிறது; அதாவது: காதாரக்கேட்டும் உணராதிருப்பீர்கள்; கண்ணாரக்கண்டும் அறியாதிருப்பீர்கள்.

¹⁵ "இந்த ஜனங்கள் கண்களினால் காணாமலும், காதுகளினால் கேளாமலும், இருதயத்தினால் உணர்ந்து மனந்திரும்பாமலும், நான் அவர்களை ஆரோக்கியமாக்காமலும் இருக்கும்படியாக, அவர்கள் இருதயம் கொழுத்திருக்கிறது; காதால் மந்தமாய்க் கேட்டு, தங்கள் கண்களை மூடிக்கொண்டார்கள் என்பதே." (மத்தேயு 13:13-15)

யோவானின் படி இயேசுவை விசுவாசாப்பதை குறிக்கிறது

 மத்தேயுவின்படி இது உவமை புரியவில்லை என்பதை குறிக்கிறது.

இந்த இருவருமே பொய்யாக தான் பேசுகிறார்கள் என்பதை ஏசாயா வசனத்தை படித்தால் புரிந்துவிடும்.

இவர்கள் அவ்வசனத்தில் கட்டிங் ஒட்டிங் செய்திருக்கிறார்கள் என்றும் புரியும்.

⁹ "அப்பொழுது அவர்: நீ போய், இந்த ஜனங்களை நோக்கி, நீங்கள் காதாரக் கேட்டும் உணராமலும், கண்ணாரக்கண்டும் அறியாமலும் இருங்கள் என்று சொல்."

¹⁰ "இந்த ஜனங்கள் தங்கள் கண்களினால் காணாமலும், தங்கள் காதுகளினால் கேளாமலும், தங்கள் இருதயத்தினால் உணர்ந்து குணப்படாமலும், நான் அவர்களை ஆரோக்கியமாக்காமலுமிருக்க, நீ அவர்கள் இருதயத்தைக் கொழுத்ததாக்கி, அவர்கள் காதுகளை மந்தப்படுத்தி, அவர்கள் கண்களை மூடிப்போடு என்றார்."

¹¹ "அப்பொழுது நான்: ஆண்டவரே, எதுவரைக்கும் என்று கேட்டேன். அதற்கு அவர்: பட்டணங்கள் குடியில்லாமலும், வீடுகள் மனுஷசஞ்சாரமில்லாமலும் பாழாகி, பூமி அவாந்தரவெளியாகி,"

¹² "கர்த்தர் மனுஷரைத் தூரமாக விலக்குவதினால், தேசத்தின் நடுமையம் முற்றிலும் வெறுமையாக்கப்படும்வரைக்குமே." (ஏசாயா 6:9-12)

ஏசாயாவுக்கு கர்த்தர் இட்ட கட்டளையை, இயேசு கால யூதர்களுக்கு உவமை புரியாததால் நிறைவேறியதாக அடித்துவிடுவதும், இயேசுவை நம்பாததால் நிறைவேறியது என்றும் கூறுவது மாபெரும் திரிபு அல்லவா???

------------------

16.அக்கிரமக்காரரில் ஒருவர் என எண்ணப்படல்.

அக்கிரமக்காரரில் ஒருவனாக எண்ணப்பட்டார் என்று எழுதியிருக்கிற வாக்கியம் என்னிடத்தில் நிறைவேறவேண்டியதென்று உங்களுக்குச் சொல்லுகிறேன். என்னைப்பற்றிய காரியங்கள் முடிவு பெறுங்காலம் வந்திருக்கிறது என்றார்.”

  — லூக்கா 22:37 

²⁷ "அல்லாமலும், அவருடைய வலதுபக்கத்தில் ஒருவனும் அவருடைய இடதுபக்கத்தில் ஒருவனுமாக, இரண்டு கள்ளரை அவரோடேகூடச் சிலுவைகளில் அறைந்தார்கள்."

²⁸ அக்கிரமக்காரரில் ஒருவனாக எண்ணப்பட்டார் என்கிற வேதவாக்கியம் அதனாலே நிறைவேறிற்று. (மாற்கு 15:27-28)

இயேசு அக்கிரமக்காரரில் ஒருவர் என எண்ணப்படுவது எப்படி என்று லூக்கா சொல்லாவிட்டாலும், மாற்கு சொல்கிறார். அதாவது இரு திருடர்களோடு இவரை சிலுவையில் அறைந்ததால் அக்கிரமக்காரரில் ஒருவர் என எண்ணப்படுவார் என்ற தீர்க்கதரிசனம் நிறைவேறியதாம்.

இதுவும் ஏசாயா 53இல் இடம்பெறும் ஒரு வசனமாகும்.

“"அவர் தம்முடைய ஆத்துமாவை மரணத்திலூற்றி, அக்கிரமக்காரரில் ஒருவராக எண்ணப்பட்டு, அநேகருடைய பாவத்தைத் தாமே சுமந்து, அக்கிரமக்காரருக்காக வேண்டிக்கொண்டதினிமித்தம் அநேகரை அவருக்குப் பங்காகக் கொடுப்பேன்; பலவான்களை அவர் தமக்குக் கொள்ளையாகப் பங்கிட்டுக்கொள்வார். "”

  — Isaiah 53:12 

ஏசாயாவில் கூறப்படுபவர் அக்கிரமக்காரரில் ஒருவராக எண்ணப்படுவார் என்பதால், அது இயேசுவை குறிக்கும் என்பதாகாது.

அதற்கு முந்திய வசனத்தில்,

“"கர்த்தரோ அவரை நொறுக்கச்சித்தமாகி, அவரைப் பாடுகளுக்குட்படுத்தினார்; அவருடைய ஆத்துமா தன்னைக் குற்றநிவாரணபலியாக ஒப்புக்கொடுக்கும்போது, அவர் தமது சந்ததியைக் கண்டு, நீடித்த நாளாயிருப்பார், கர்த்தருக்குச் சித்தமானது அவர் கையினால் வாய்க்கும்."”

  — ஏசாயா 53:10 

அவர் தன் சந்ததியையும் கண்டு நீடித்த நாளாக இருப்பார் என்று உள்ளது.

இங்கே உள்ளது zera என்ற எபிரேய வார்த்தை ஆகும். இது சொந்த பிள்ளைகளை மட்டுமே குறிக்கும்.

ஆனால் இயேசுவுக்கோ இப்படியொரு சந்ததி இல்லை!!

 சம்பந்தமின்றி சங்கீதம் 22:30ஐ காட்ட வேண்டாம்.. அதிலுள்ளது "அதோர்" என்பதாகும். அது வேறு வார்த்தை.

மேலும் அந்த நபர் ஆயுள் நீடிக்கப்படுவார் என்று உள்ளது. ஆனால் இயேசு 33வயதில் இறந்துவிட்டதாக இவர்கள் நம்புகின்றனர்.. சந்ததியும் இல்லை!

சோ பொருந்தாதை பொருத்திப் பார்ப்பது தவறு!!

----------------

17.அப்பம் புசிக்கிறவன் தன் குதிகாலை தூக்குதல்.

உங்களெல்லாரையுங்குறித்து நான் பேசவில்லை, நான் தெரிந்துகொண்டவர்களை அறிவேன்; ஆகிலும் வேதவாக்கியம் நிறைவேறத்தக்கதாக, என்னுடனே அப்பம் புசிக்கிறவன் என்மேல் தன் குதிகாலைத் தூக்கினான்."”

  — யோவான் 13:18 

இதுவும் ஒரு தீர்க்கதரிசனமே கிடையாது..

 மாறாக தாவீதுடன் இருந்த பகைவர்களை யும் துரோகிகளை குறித்து தேவனிடம் முறையிடுவதே அப்பாடல் ஆகும். (சங் 41:9)

⁷ "என் பகைஞரெல்லாரும் என்மேல் ஏகமாய் முணுமுணுத்து, எனக்கு விரோதமாயிருந்து, எனக்குப் பொல்லாங்கு நினைத்து,"

⁸ தீராவியாதி அவனைப் பிடித்துக் கொண்டது; படுக்கையில் கிடக்கிற அவன் இனி எழுந்திருப்பதில்லை என்கிறார்கள்.

⁹ "என் பிராணசிநேகிதனும், நான் நம்பினவனும், என் அப்பம் புசித்தவனுமாகிய மனுஷனும், என்மேல் தன் குதிகாலைத் தூக்கினான்."

¹⁰ "கர்த்தாவே, நீர் எனக்கு இரங்கி, நான் அவர்களுக்குச் சரிக்கட்ட என்னை எழுந்திருக்கப்பண்ணும்." (சங்கீதம் 41:7-10)

உற்ற நண்பரும் , அவர் நம்பியவருமான நபர் தன் மீது தன் குதிகாலை தூக்கினான் என்கிறார்.

ஆனால் இயேசு யூதாசை நம்பவே இல்லை என்று இதே யோவானில் இயேசு முன்னரும் சொல்லிவிட்டதாக எழுதப்பட்டுள்ளது.

“"ஆகிலும் உங்களில் விசுவாசியாதவர்கள் சிலர் உண்டு என்றார்; விசுவாசியாதவர்கள் இன்னாரென்றும், தம்மைக் காட்டிக்கொடுப்பவன் இன்னானென்றும் ஆதிமுதலாக இயேசு அறிந்திருந்தபடியால், அவர் பின்னும்:"”

  — யோவான் 6:64 

“இயேசு அவர்களை நோக்கி: பன்னிருவராகிய உங்களை நான் தெரிந்துகொள்ளவில்லையா உங்களுக்குள்ளும் ஒருவன் பிசாசாயிருக்கிறான் என்றார்.”

  — யோவான் 6:70 

ஆகவே இயேசு யூதாசை ஆரம்பம் முதலே நம்பவில்லை..

 பிறகு எப்படி சங்கீதம் 41:9 யூதாசுக்கு பொருந்தும்??

ஆகவே தம் இஷ்டம் போல எழுதி வைத்திருக்கிறார்..

--------------

18..அவரது எலும்புகளில் ஒன்றும் முறிக்கப் படுவதில்லை 

³⁶ அவருடைய எலும்புகளில் ஒன்றும் முறிக்கப்படுவதில்லை என்கிற வேதவாக்கியம் நிறைவேறும்படி இவைகள் நடந்தது. (யோவான் 19:36)

அதாவது இயேசு கொஞ்ச நேரத்திலேயே செத்துவிட்டதால், காலை உடைக்கவில்லையாம். (19:34) . இதனால் இது (சங் 34:20) நிறைவேறியதாம்!

இது சங்கீதம் 34இல் இடம்பெறுகிறது.

 அதாவது நீதிமான்களை கர்த்தர் காப்பாற்றுவார் துன்மார்க்கரை அழிப்பார் என்று கூறும் அதிகாரமே இது.

¹⁹ "நீதிமானுக்கு வரும் துன்பங்கள் அநேகமாயிருக்கும், கர்த்தர் அவைகளெல்லாவற்றிலும் நின்று அவனை விடுவிப்பார்."

²⁰ அவனுடைய எலும்புகளையெல்லாம் காப்பாற்றுகிறார்; அவைகளில் ஒன்றும் முறிக்கப்படுவதில்லை.

²¹ தீமை துன்மார்க்கனைக் கொல்லும்; நீதிமானைப் பகைக்கிறவர்கள் குற்றவாளிகளாவார்கள்.

²² கர்த்தர் தமது ஊழியக்காரரின் ஆத்துமாவை மீட்டுக்கொள்ளுகிறார்; அவரை நம்புகிற ஒருவன்மேலும் குற்றஞ்சுமராது.(சங்கீதம் 34:19-21)

ஆனால் இங்கு கர்த்தர் அவனுடைய எல்லா எலும்பையும் காப்பாற்றுவார் என்றே கூறுகிறது.. கால் எலும்பை மட்டும் அல்ல!

சிலுவையில் கையை துளைத்து ஆணி அடித்தாலே கையில் உள்ள எலும்புகள் உடையும்! 

ஆகவே அது அவருக்கு பொருந்தாது.

22ம் வசனத்தில், அவரை நம்புவோர் ஒருவர் மீதும் குற்றம் சுமராது என்கிறது.

 ஆனால் இவரையோ குற்றம் சுமத்தி தான் சிலுவையில் அறைந்தனர் என எழுதப்பட்டுள்ளது.

------------

19..அவர்கள் குத்தினவரை நோக்கிப் பார்த்தல்

³⁷ அல்லாமலும் தாங்கள் குத்தினவரை நோக்கிப்பார்ப்பார்கள் என்று வேறொரு வேதவாக்கியம் சொல்லுகிறது. (யோவான் 19:37)

முதலில் குத்தினவரை நோக்கிப் பார்ப்பார்கள் என்று எங்கும் இல்லை!

 சகரியா 12:10 இல் இடம்பெறும் வசனத்தை தனக்கு ஏற்றாற்போல் வளைத்து இயேசுவை பற்றிய தீர்க்கதரிசனம் போன்று கூறுகிறார்.

“And I will pour upon the house of David, and upon the inhabitants of Jerusalem, the spirit of grace and of supplication; and they shall look unto Me because they have thrust him through; and they shall mourn for him, as one mourneth for his only son, and shall be in bitterness for him, as one that is in bitterness for his first-born.”

  — Zech 12:10 (JPOT)

நான் தாவீது குடும்பத்தார்மீதும் எருசலேம் குடிகளின் மீதும் கிருபையின் ஆவியையும் , விண்ணப்பங்களின் ஆவியையும் ஊற்றுவேன். அவர்கள் (எதிரிகள்) #அவனை குத்தியதால், இவர்கள் (தாவீதின் குடும்பத்தாரும்,எருசலேம் குடிகளும்) #என்னை நோக்கி பார்ப்பார்கள். தன் ஒரே மகனுக்கு புலம்புகிறதுபோல #அவனுக்காக புலம்புவார்கள். தன் முதற்பேறானவனுக்கு துக்கிப்பது போல அவனுக்காக மனங்கசந்து துக்கிப்பார்கள். (சகரியா 12:10)

இந்த அதிகாரம் எருசலேமைச்சூழ யுத்தம் நடக்கும் போது நிகழுவதாகும்.(சகரியா 12:2-3)

இங்கே குத்தின நபரை பார்ப்பதில்லை!

 எதிரிகள் குத்தியதற்காக தேவனை நோக்கி பார்ப்பார்கள்.

அதில் குத்தியது எதிரிகள்.. பார்ப்பது தாவீதின் குடும்பத்தார்.

யோவான் பிரகாரம், பார்த்தது யூதர்கள் அல்ல! ரோமர்கள்.

எப்படியோ யாரோ யாரையோ பார்த்தாங்க என்பதால் யுத்தத்தின் போது நடப்பதை, சம்பந்தமற்ற நிகழ்வில் சொருகுவதென்பதை ஏற்க இயலாது!!

--------

20..மரித்தோரிலிருந்து எழ வேண்டும் .

அவர் மரித்தோரிலிருந்து எழுந்திருக்கவேண்டும் என்கிற வேதவாக்கியத்தை அவர்கள் இன்னும் அறியாதிருந்தார்கள்.”

  — John 20:9 

இப்படி ஒரு வேதவாக்கியம் இல்லை! சும்மா போற போக்கில் அடித்துவிட்டிருக்கிறார்.